काठमाडौ। केही बेर अघि व्यवस्थापिका संसद बैठक सुरु भएको छ । आजको बैठकमा प्रधानमन्त्री बिरुद्ध संसदमा पेश भएको अबिश्वासको प्रस्तावको छिनोफानो हुनेछ । संसदमा उपस्थित भएर प्रधानमन्त्री केपी शर्मा ओलीले आफूविरुद्ध पेश भएको अविश्वासको प्रस्तावबारेमा जवाफ दिनेछन्। अविश्वासको प्रस्तावमा छलफल भइरहेको छ । तीन दिन देखी चलेको संसद आज लामो समय चल्ने बताइएको छ । अबिश्वासको प्रस्ताव माथि बिभिन्न सभासदहरु बोल्नेक्रमा छन् । आजै प्रधानमन्त्रीले जवाफ दिइसकेपछि अविश्वास प्रस्तावलाई प्रक्रियामा लगिनेछ ।
