रियो । विश्वकप फुटबलमा खुवै तहल्का मच्याए पनि ब्राजिलले ओलम्पिकमा भने पहिलो पटक स्वर्णपदक जितेको छ । कप्तान नेइमारले ब्राजिललाई ओलम्पिकमा ऐतिहासिक सफलता दिलाएका हुन्।
ब्राजिलको ऐतिहासिक मराकाना रंगशालामा ब्राजिलले फाइनलमा जर्मनीलाई पेनाल्टी सुटआउटमा पराजित ग¥यो । निर्धारित ९० मिनेटको खेलमा १–१ को बराबरी र त्यसपछि थपिएको समयमा गोल नभएपछि खेल पेनाल्टी सुटआउटमा निर्णायक भएको हो ।
२७ औं मिनेटमा नेइमारले गोल गर्दै ब्राजिललाई अग्रता दिलाए । ५९ औं मिनेटमा म्याक्स मेयरले गोल गर्दै जर्मनीलाई बराबरीमा ल्याए ।
त्यसपछि भएको पेनाल्टीमा ब्राजिल ५–४ ले विजयी भयो । पेनाल्टीमा पनि नेइमारले गोल हाने र ब्राजिललाई ऐतिहासिक स्वर्णपदक दिलाए । अहिलेसम्म तीन पटक रजत पदक जिते पनि ब्राजिलले स्वर्णपदक जित्न सकेको थिएन ।
यो स्वर्णसंगै घरेलु टोलीले गत विश्वकपमा जर्मनीबाट पाएको ७–१ गोलको पराजयको बदला पनि लिएको छ ।
दुई वर्षअघि यही मैदानमा जर्मनीले विश्वकपको सेमिफाइनलमा ब्राजिललाई लज्जास्पद रूपमा पराजित गरेको थियो।
