काठमाडौं । संयुक्त लोकतान्त्रिक मधेसी मोर्चाले प्रस्तुत गरेका ११ बुँदे मागका सम्बन्धमा साझा धारणा बनाउन बिहीबार बिहान बसेको प्रमुख तीन दलको बैठक साझा धारणा नबनाई केही समय अघि सकिएको छ ।
प्रधानमन्त्री निवास बालुवाटारमामा बिहान सत्तारुढ दल नेकपा(एमाले)सहित एकीकृत नेकपा (माओवादी) र प्रमुख प्रतिपक्षी दल नेपाली काँग्रेसको बसेको बैठकले मोर्चासँगको छलफल पछि निश्कर्ष निकाल्ने निर्णय गरेको छ ।
साझा धारणा आउन नसकेपछि मधेशी मोर्चासँग गर्ने भनिएको वार्ता पनि कहिले हुने केही टुंगो लाग्न सकेको छैन । बुधबार निर्णायक वार्ता गर्ने भनिए पनि मधेशी मोर्चाका शीर्ष नेताहरु तराईका जिल्लामा हुने विरोधसभामा सहभागी भएका कारण उपस्थित हुन नसकेपछि वार्ता हुन सकेको थिएन ।
