मुम्बई । बलिउड नायिका तथा आधुनिक योगकी गुरूमा शिल्पा सेट्टीले आफ्नो जिन्दगीबारे नयाँ खुलासा गरेकी छिन् ।
भारतमा चलिरहेको रियालिटी शो सुपर डान्सरकी निर्णायक शिल्पालाई जन्मनुअघि नै चिकित्सकले धेरै दिन नबाँच्ने बताएका थिए ।
शिल्पा उनकी आमाको पेटमा छँदा नै उनलाई चिकित्सकले धेरै दिन बाँच्न नसक्ने बताएका हुन् ।
यसको खुलासा उनले सो कार्यक्रम चलिरहँदा प्रतिस्पर्धी देव वाष्र्णेयलाई देखेपछि सुनाएकी हुन् ।
ग्वालियरका देवको खुट्टा बालककालदेखि नै विकृत छ । तर त्यस्ता विकृत खुट्टा भए पनि उनले निकै राम्रो नाचेर प्रशंसा कमाएका थिए ।
अनि देवलाई प्रोत्साहन दिने क्रममा रुँदै शिल्पाले आफ्नो जिन्दगीको अपत्यारिलो घटना सुनाएकी हुन् ।
चिकित्सकको त्यो भनाइ झुठो ठहरिएको छ ।
शिल्पा भारतीय नायिकामध्येकै सबैभन्दा स्वस्थ्य नायिकामा पर्छिन् ।