पाँचथर । पाँचथरको सदरमुकाम फिदिम वजारमा रहेका औषधी पसलको आज अनुगमन गरिएको छ ।अनुगमनका क्रममा म्याद गुज्रिएका औषधी विक्री प्रतिवन्धित औषधी समेत वितरण भइरहेको पाइएको टोलीमा सहभागि सहायक प्रमुख जिल्ला अधिकारी कृष्ण बहादुर वस्नेतले बताए ।
यस्तै कतिपय पसलहरुले अहिलेसम्म नियमित लेखा परिक्षण समेत नगरेको पाइएको छ । उनीहरुलाई अव म्याद गुज्रिएका औषधी विक्री वितरण गर्न प्रतिवन्ध लगाइएको उनले बताए ।
प्रतिवन्धित औषधी समेत विक्री वितरण गर्दा तथ्याङक राखेर मात्रै विक्री गर्ने, अनिवार्य समयमै नवीकरण गर्न सुझाव दिएको उनले सुनाए । यसैवीच सेवाग्राहीले भने कर्मकाण्डी अनुगमनले कुनै अर्थ नराख्ने भएको भन्दै प्रभावकारी अनुगमन गर्न माग गरिरहेका छन् ।