दिल्ली । भारतविरुद्धको दोस्रो एक दिवसीय क्रिकेटमा न्यूजिल्याण्डले रोमाञ्चक जित हासिल गरेको छ । न्यूजिल्याण्ड ६ रनको झिनो अन्तरले विजयी भएको हो ।
खेलमा पहिले ब्याटिङ गरेको न्यूजिल्याण्डले कप्तान केन विलियमसनको ११८ रनको मद्धतले ९ विकेटको क्षतिमा २४२ रन बनायो । टम लथामले ४६ रन जोडे ।
अमित मिश्रा र जसप्रित बुमराहले ३–३ विकेट लिए ।
जवाफमा भारतले ३ बल खेल्न बाँकी छँदै अलआउट हुँदै २३६ रनमात्र बनाउन सक्यो । केदार जादभले सर्वाधिक ४१ रन जोडे । त्यस्तै महेन्द्र सिंह धोनीले ३९ तथा हार्दिक पाण्डेयले ३६ रन जोडे ।
कमजोर खेलेको भारतलाई हराउने क्रममा टीम साउथीले ३ तथा मार्टिन गुप्टिल र टे«न्ट बोल्टले २–२ विकेट लिए ।
जितसंगै न्यूजिल्याण्डले पाँच खेलको श्रृंखलामा १–१ को बराबरी गरेको छ ।
तेस्रो खेल आइतबार मोहालीमा हुनेछ ।
