ट्रम्पको बिरोधमा प्रदर्शनकारीले अमेरिकी झण्डा जलाए, व्हाईटहाउस बाहिर पनि प्रदर्शन (भिडियो)

प्रकाशित २०७३ कार्तिक २५ बिहिबार

एजेन्सी। अमेरिकी राष्ट्रपतिमा निर्वाचित भएको केही घण्टामै डोनाल्ड ट्रम्पको विरोध चर्किएको छ ।

अमेरिकाका विभिन्न राज्यमा ट्रम्पमाथि विभिन्न आरोप लगाउँदै विरोधीहरुले प्रदर्शन गरिरहेका छन् । अमेरिकी राष्ट्रपति बस्ने निवाश 'वहाईट हाउस' बाहिर ट्रम्पको बिरोधमा प्रदर्शन शुरु भएको छ। व्हाईट हाउस बाहिर नवनिर्वाचित राष्ट्रपतिको बिरोध हुनुलाई ठुलै रुपमा लिईएको छ।

संभवत: अमेरिकी ईतिहासमा नवनिर्वाचित राष्टरपति बिरुद्ध मानिसहरु सडकमा ओर्लेर बिरोध गरेको यो पहिलो पटक हो। प्रदर्शनकारीहरुले सायद अमेरिकी निर्वाचन प्रणालीमा गल्ती छ भनेर प्रश्न उठाएका छन्। धेरै भोट पाउने पराजित हुनु दुखदायी रहेको पनि प्रदर्शनकारीहरुले भनेका छन्।

‘ट्रम्प हाम्रो राष्ट्रपति हैन’ भन्दै प्रदर्शनकारीले सडक नै अवरुद्ध गरेका छन् । अमेरिकाका बिभिन्न स्थानमा विद्यार्थीहरु सडकमा ओर्लिएका छन्। हजारौंको संख्यामा विद्यार्थीहरु सडकमा ओर्लेर ट्रम्प बिरुद्ध नाराबाजी गरिरहेका छन्। कति स्थानमा प्रदर्शनकारीहरुले अमेरिकी झण्डा पनि जलाएका छन्।

ट्रम्पको जीतको विरोधमा न्यूयोर्क, शिकागो, फिलाडेल्फिया, शियाटल, टेक्सस, आयोवा, क्यालिफोर्निया, बोस्टनलगायतका मूख्य शहरमा विरोध प्रदर्शन गरिएको हो ।

यसअघि बुधबार सम्पन्न मतगणनामा आफ्ना प्रतिष्पर्धी हिलारी क्लिन्टनलाई पराजित गर्दै रिपब्लिकन उम्मेद्वार ट्रम्प अमेरिकाको ४५ औं राष्ट्रपतिमा निर्वाचित भएका थिए ।

गैरराजनीतिक पृष्ठभूमिबाट आएका धनाढ्य ब्यापारी ट्रम्पले चार बर्षका लागि ह्वाइट हाउस कब्जा गरेसंगै अमेरिकामा विधिको शासनको उल्लंघन गर्दै प्रदर्शनकारी सडकमा उत्रिएका हुन् ।

उनीहरुले ट्रम्पलाई नश्लवादी चरित्रको व्यक्तित्व भनी आलोचनासमेत गरेका छन् ।

भिडियो: