- सुन चाँदी दर
- विनिमय दर
- नेपाली पात्रो
- राशिफल
काठमाडौं । संघीय संरचनामा सहमत दलकै सांसदहरुले असहयोग गरेपछि पुनःसंरचना आयोगका सदस्य सुनिल रञ्जन सिंहले प्रदेश नम्बर २ को संयोजकको जिम्मेवारीबाटै राजीनामा दिएका छन् ।
सिंहले भनेका छन्, ‘अब सिंगो आयोगले नै निर्णय गरोस् भनेर प्रदेश नम्बर २ को संयोजक पदबाट राजीनामा दिएको हुँ । कयौं प्रयास गर्दा पनि वातावरण बन्न सकेन ।’ सरकारले दिएको कार्यविधि अनुसार दलीय सहमतिकै आधारमा स्थानीय तहको टुंगो लगाउनु पर्ने भएकाले असहमतिकै कारण पुनःसंरचना हुन नसकेको सिंहको भनाई छ ।
केही दिन अघि मात्रै राजधानीको एउटा होटलमा आठ जिल्लाका सांसदहरुलाई बोलाएर उनले छलफल गराएका थिए । सत्ताधारी दलकै सांसदहरुले राजधानीका होटलमा सेकुवा खाएर स्थानीय तह नबन्ने, स्थानीय तहमै गएर काम गर्नु पर्ने भनेपछि आयोग प्रयास र खर्च खेर गएको बताइएको छ ।
प्रदेश २ का ८ जिल्लाको स्थानीय तह निर्धारण नभएकै कारण संविधानले भनेको स्थानीय तहको निर्वाचन समयमा नहुने पक्का भएको छ । दलका नेताहरु पुरानै संरचनामा निर्वाचन गर्ने मनस्थितिमा पुगेका छन् । यद्यपि, सरकारले पुनःसंरचना आयोगले आफ्नो काम गरिरहने बताएको छ ।