एडेन । यमनको दक्षिणी सहर एडेनमा तलव बुझ्न सैनिक आधार शिविरमा जम्मा भएको सुरक्षाकर्मीकोे एक समूहलाई लक्षित गरी गराइएको आत्मघाती बम हमलामा परी ४८ सैनिकको मृत्यु भएको छ । अल एरिस जिल्लामा अवस्थित अल सव्लाबा शिविरमा जम्मा भएका सैनिकहरूको बीचमा घुसेर इस्लामिक स्टेट आइएसले गराएको आत्मघाती विस्फोटमा ८४ बढी सैनिक घाइते भएका छन् ।
घाइतेमध्ये अधिकांशको अवस्था गम्भीर भएकाले मृतकको संख्या बढ्न सक्ने स्थानीय अधिकारीलाई उधृत गर्दै बीबीसीले जनाएको छ ।
एडेनमै एक हप्ताअघि आइएसको जिहादी समूहले जिम्मा लिएको आत्मघाती आक्रमणमा ४८ जनाको मृत्यु हुनुको साथै अन्य २९ जना घाइते भएका थिए ।
