बर्लिन । जर्मनीको बर्लिन शहरस्थित एक व्यस्त बजारमा गराइएको सुनियोजित लरी दुर्घटनामा किचिएर १२ जनाको मृत्यु भएको छ । दुर्घटनामा ४८ बढी घाइते भएका छन् । व्यस्त क्रिसमस बजारमा आक्रमणकारीले चालकलाई नियन्त्रणमा लिएर मारी आक्रमणकारी चालकले जानीजानी लरीलाई मानिसहरुको भीडमा चलाएको प्रहरीले जनाएको छ ।
लरीले मानिस किच्न थालेपछि बजारमा आएकाहरुको भाडदौड मच्चिएको थियो । लरीलाई सुरक्षाकर्मीले नियन्त्रणमा लिएका छन् भने चालक फरार छन् । जर्मनी सरकारले भने जानीजानी लरी चलाएर हत्या गरिएको हो या दुर्घटना भएको भन्ने यकीन नभएको जनाएको छ । तर घटनामा अफगान शरणार्थीहरुको हात रहेको अनुमान गरिएको छ ।
घटनामा संलग्न रहेको हुनसक्ने आशंकामा प्रहरीले एक जनालाई नियन्त्रणमा लिएको छ । घटनाप्रति जर्मन चान्सलर एन्जेला मर्केलले दुःख व्यक्त गरेकी छिन् । क्रिसमस आइरहेका बेलामा भएको यो घटनालाई जर्मन सरकारले गम्भीर रुपले लिएको भन्दै अनुसन्धान भइरहेको जनाएको छ ।
