एक वर्षमा युएईमा ६४ जना नेपालीले ज्यान गुमाए

लालबहादुर ढेंगा, प्रकाशित मिति : २०७३ पौष ८ शुक्रबार , २,४७८ पटक हेरिएको

दुबई । वैदेशिक रोजगारीका लागि नेपाली रोजगारदाताहरुलाई खाडी मुलुकहरुमध्ये युएई एउटा राम्रो गन्तव्यको थलोको रुपमा मानिँदै आईएको छ । तर यही राम्रो गन्तव्य भित्रको दर्दनाक पीडाको बारेमा भने थोरैले थाहा पाउलान् । पछिल्लो एक वर्षको अवधिमा नेपालबाट बैदेशिक रोजगारको लागि युएई आएका नेपाली मध्ये ६४ जनाको ज्यान गएको संयुक्त अरब इमिड्ट्स(युएई) स्थित नेपाली दूताबासले जनाएको छ ।

नेपाली राजदूतावास अबुधावीका द्धितीय सचिव तथा सूचना अधिकारी कृष्ण अर्यालले दिएको जानकारी अनुसार १ जनवरी २०१६ देखि शुक्रबार अर्थात् मिति २३ डिसेम्बर २०१६ यानी कि एक बर्षको अवधिमा रोजगारीको सिलसिलामा युएई छिरेका ६४ जना नेपालीहरुले ज्यान गुमाउनु परेको हो ।

त्यसमध्ये पुरुष ५९ जना रहेको छ भने महिला ५ जना रहेका छन् । खासगरी मृत्यु हुने कारणहरुमा प्राकतिक प्रकोप, सडक दुर्घना र आत्महत्या मुख्इ देखिएको अर्यालल् जानकारी दिए । विगतका तथ्याङ्क हेर्ने हो भने सन् २०१३ मा ७० जना, २०१४ मा ६३ जना र २०१५ मा ६४ जनाले ज्यान गुमाएका थिए ।

युएईस्थित नेपालीहरुको जनसंख्या आम–जनमानसको अनुमानमा ३ लाखभन्दा बढी रहेता पनि युएईका परराष्ट्र मन्त्रालयको तथ्याङ्क अनुसार २ लाख ४ हजार १ सय ६ जनाएको छ । सरकारी विभागदेखि लिएर हर क्षेत्रमा नेपाली कामदारहरु कार्यरत छन् । उच्च श्रेणीमाभन्दा मध्येम श्रेणीमा धेरै कार्यरत पाईन्छ । विदेशमा रोजगारी गर्न जांदामा नेपालबाट केहि सीप र ज्ञान हासिल गरी गएमा उपयुक्त लाग्ने थियो । यस्ता खालका सहयोग गर्नका लागि नेपालस्थित १० म्यानपावरलाई समेत आधिकारिक मान्यता दिएका छन् ।

युएईमा प्रवेश पाउनका लागि मुख्य रुपमा ४ प्रकारका भिसाको सुविधा रहेको छ । जसमा ईम्प्लोमेन्ट भिसा, भिजिट भिसा, टुरिष्ट भिसा र ट्राजिट भिसा हो । तर, केहि बर्ष यता भने भिजिट भिसामा आई आफ्नो योग्यता र दक्षता अनुसारको कामप्रति लाग्नेहरुको संख्या बढ्दो देखिन्छ । ईम्प्लोमेन्ट भिसाको तुलनामा भिजिट भिसा सरल र सहज तरिकाले पाउने भएकाले भिजिट भिसाको नै धेरै प्रयोग भएको हुन्छ ।

पछिल्लो समयमा युएईस्थित नेपाली व्यवसायीहरु पनि फस्टाउदै गएको पाईन्छ । धेरै बर्षदेखि रोजगारीमा संग्लन रहेका पनि अब भने व्यवसाय क्षेत्रमा पूर्ण रुपले हानिएका छन् । व्यवसायमा कपडा पसल, किराना पसल, सुन चांदी पसल, सुपर मार्केट, ट्राभल्स एण्ड टुरिजम, टेलर्स, इलेट्रानिक पसल, लाण्ड्री, क्लिनिङ एण्ड मेन्टनेस, व्यूटीपार्लर र रेष्टुरेण्ट हुन् । अन्य व्यवसायभन्दा रेष्टुरेण्ट व्यवसाय मौलाउदै गएका छन् ।

नयाँ