पाँचथर। जिल्ला प्रहरी कार्यालय पाँचथरले पछिल्लो समय जिल्ला अदालत पाँचथरबाट दोषी ठहर भई फरार भएका अभियुक्तहरुलाई धमाधम पक्राउ गर्न थालेको छ ।
यसैक्रममा पछिल्लो एक हप्तामा मात्रै ५ जना फरार प्रतिवादीहरु लाई पक्राउ गरेको जिल्ला प्रहरी कार्यालय पाँचथरले जनाएको छ ।पक्राउ पर्नेहरुमा करणी मुद्धाका आरोपी पाँचथर पंचमीका राम कुमार थुगुम्बा,वन मुद्धाका आरोपी भारपाका बुद्धिमान तामाङ, आगो लगाएका मुद्धा खेपेका फिदिमका सुवास राई रहेका छन् ।
यस्तै लुटपिट मुद्धाका नाँगिनका तारा खतिवडा, र कुटपिट मुद्धाका आरोपी चिलिङदेनका देउमान नेम्बाङ रहेका छन् । उनीहरु मध्ये राम कुमार र सुवास भने कारागार चलान भएका छन् । अन्यलाई नगद जरिमाना गरिएको प्रहरी नायव उपरिक्षक नकुल पोख्रेलले जानकारी दिए ।
