arrow

देउवा जन्मेको गाविस पूर्ण साक्षर घोषणा

logo
प्रकाशित २०७३ पुष १७ आइतबार
dadeldhura-bag-bazar.gif.jpeg

डडेल्धुरा । काँग्रेस सभापति शेरबहादुर देउवाको जन्मस्थान अशिग्राम गाविस पूर्ण साक्षर घोषणा भएको छ । जिल्लाका सात गाविसलाई विभिन्न सूचकका आधारमा पूर्ण साक्षरता गाविस घोषणा गरिएको १५ दिन नबित्दै सभापति देउवा जन्मेको गाविसलाई शनिबार पूर्ण साक्षरताको प्रमाणपत्र दिइएको छ ।

पन्ध्रदेखि ६० उमेर समूहका मानिस राष्ट्रिय र स्थानीय भाषाका वर्ण लेख्न पढ्न सक्ने, सामान्य गणितीय हिसाब राख्न सक्ने, ट्राफिक चिह्न बुझ्ने, रुपैयाँका हिसाब गर्न सक्ने लगायत १२ सूचकमध्ये सात सूचक पूरा गरेका गाविसलाई पूर्ण साक्षर गाविस घोषणा गर्न सक्ने प्रावधान रहेको जिल्ला शिक्षा कार्यालय डडेल्धुराले जनाएको छ ।

सोही सूचकका आधारमा अशिग्रामलाई साक्षर गाविसका रुपमा घोषणा गरिएको जिल्ला शिक्षा अधिकारी वसन्तकुमार खत्रीले जानकारी गराए । रासस



लोकप्रिय समाचार
लोकप्रिय समाचार
नयाँ