-
-
-
-
डडेल्धुरा । शनिबार राति हिमपातले अवरुद्ध बाटो खुलाउन गएको सेनाको गाडी साहुखर्कमा दुर्घटना हुँदा सवार ३६ जना घाइते भएका छन् ।
घाइते मध्ये १८ जनालाई उपचारका लागि उप क्षेत्रीय अस्पताल डडेल्धुरा ल्याइएको र बाँकीको उद्धार भइरहेको जिल्ला प्रहरी कार्यालय डडेल्धुराले जनाएको छ । घाइते मध्ये दुई जनाको अवस्था चिन्ताजनक रहेको बताइएको छ ।
डडेल्धुराको भिदत्तराजमार्ग सडकखण्ड अन्तर्गत साहुखर्क नजिक सेनाको वानटन ट्रक दुर्घटना भएको हो । घाइतेको उप क्षेत्रीय अस्पताल डडेल्धुरामा उपचार भईरहेको छ ।
हगुल्टे लेकमा परेको हिमपातले अवरुद्ध भएको बाटो खुलाएर फकर्ने क्रममा डडेल्धुरास्थित गरुड दल गणको लु १ क २९४ नम्बरको ट्रक चिप्लिएर दुर्घटना भएको जिल्ला प्रहरी कार्यालय डडेल्धुराले जनाएको छ । ट्रक सडकबाट करिव २५ फिट तल खसेको प्रहरीले वताएको छ ।
