काठमाडौँ । संविधानविद् काशीराज दाहाल र प्राध्यापक रामप्रसाद दाहाललाई मातृशोक परेको छ ।
दाहालद्धयकी आमा सकुन्तलाको शनिबार राति ८३ वर्षको उमेरमा निधन भएको हो ।
मिर्गौला र श्वासप्रश्वास रोगको उपचार गराइरहेकी दाहालको आफ्नै निवास रातोपुलमा स्वस्थानी कथा सुनिरहेकै अवस्थामा निधन भएको थियो ।
उनका तीन छोरा र दुई छोरी छन् । उनको आइतबार बिहान पशुपति आर्यघाटमा दाहसंस्कार भएको छ । रासस