नेपालगन्ज।भारतीय राजदूत रणजित रायले सानोतिनो मनमुटावले नेपाल-भारत सम्बन्ध कमजोर नहुने बताएका छन् । नेपालगन्जस्थित फत्तेबाल आँखा अस्पतालमा निर्माण हुने नयाँ आधुनिक भवनको मंगलबार शिलान्यास गर्दै उनले नेपालको विकास प्रयासमा भारत सधैँ सकारात्मक रहेको पनि बताए ।
भारत सरकारले नेपालमा शिक्षा, स्वास्थ्य, विद्युत्, वैकल्पिक ऊर्जा र पूर्वाधार विकासमा लगानी बढाइरहेको जानकारी दिदै राजदूत रायले नेपाल र भारतबीच सदियौँदेखिको आपसी सद्भावपूर्ण सम्बन्धलाई कसैले बिगार्न नसक्ने बताए ।
सो अस्पताल भारतीय राजदूतावासको ५ करोड र बाँके जिल्ला विकास समितिको ९५ लाखसहित ५ करोड ९५ लाखमा निर्माण हुन लागेको अध्यक्ष रतनकुमार टण्डनले बताए ।
१०० श्ययासहितको भवनमा जनरल वार्ड, चार शल्यक्रिया कक्ष, बिरामी क्याबिनको निर्माण र अस्पताल क्षेत्रको सडक कालोपत्र गरिने छ ।
