वासिङटन डीसी । अमेरिकाका निर्वाचित राष्ट्रपति डोनाल्ड ट्रम्पले शुक्रबार राष्ट्रपति पदको सपथ लिँदै छन् । ह्वाइट हाउसमा हुने भव्य समारोहमा ट्रम्पले राष्ट्रपतिको शपथ लिनेछन् । शपथका लागि भव्य तयारीसमेत भएको अमेरिकी सञ्चारमाध्यमले जनाएका छन् ।
यसअघि नै उनका लागि अमेरिकी राष्ट्रपति निवास ह्वाइट हाउस सजाउने योजना बनिसकेको छ । २० जनवरीको बिहानीमा जुन पलङबाट राष्ट्रपति बाराक ओबामा उठ्ने छन्, साँझ त्यो पलङमा सुत्न नयाँ राष्ट्रपति डोनाल्ड ट्रम्प त्यहाँ पुगेका हुन् ।
अमेरिकी समयअनुसार शुक्रबार दिउँसो ठीक १२ बजेसम्म ह्वाइट हाउसलाई ओबामाको नै मानिनेछ र त्यहाँको परम्पराअनुसार त्यसको एक मिनेटअघिसम्म पनि नयाँ राष्ट्रपति त्यहाँ प्रवेश गर्न पाउँदैनन् ।
वर्षौंदेखि चलिआएको यही परम्पराअनुसार डोनाल्डका लागि कोठा सजाउन त्यहाँका कर्मचारीले ६ घण्टाको समय पाउनेछन् । स्थानीय समयअनुसार बिहान साढे १० बजे जब डोनाल्ड ट्रम्प आफ्नो उद्घाटन भाषणका लागि तयार हुनेछन्, तब दुई ठूला ट्रक ह्वाइटहाउसभित्र पुगिसकेका हुनेछन् ।
मिडियालाई दिइएको जानकारीअनुसार ह्वाइटहाउस प्रबन्धनले यो सबै काम अत्यन्त छिटो गर्नेछ । जबसम्म ट्रम्प ह्वाइट हाउसमा छिर्ने छैनन्, तबसम्म त्यहाँको सबै जिम्मेवारी ह्वाइट हाउस व्यवस्थापन विभागले लिनेछ ।
२० जनवरीको बिहानैदेखि ट्रम्प अत्यन्त व्यस्त हुनेछन् । शुभकामना भाषण, त्यसपछि परेड र समुद्घाटन बल भनिने समारोहमा सहभागी भएपछि जब साँझ ट्रम्प ह्वाइट हाउसमा पुग्नेछन्, तब त्यहाँ उनका लागि केही खानेकुरा पनि तयार भइसकेको हुनेछ ।
यता, सपथ ग्रहणअघि बिहीबार राति भने उनी भब्य कन्सर्टमा सहभागी भई आफ्ना प्रशंसकलाई धन्यबाद दिएका छन् । लिंकन मेमोरियलमा हजारौं समर्थकबीच उनले अमेरिकालाई अहिलेसम्मकै समृद्ध बनाउने प्रणसमेत व्यक्त गरेका छन् ।
सोक्रममा उनले आफ्नी पत्नीलाई यहाँसम्म ल्याउन खेलेको भूमिकाप्रति धन्यबादसमेत व्यक्त गरेका छन् ।
