काठमाडौं। आईएमईले कस्टमर कार्ड प्रयोगमा बोनस पोईन्ट र उपहारको योजना ल्याएको छ । योजना अन्तर्गत कस्टुमर कार्ड प्रयोग गरी अन्तर्राष्ट्रिय कारोबारको भुक्तानी र आन्तरिक संकलन कारोबार रकम अनुसार निश्चित बोनस अङ्क प्राप्त हुने कम्पनीले जनाएको छ ।
कम्पनीले जारि गरेको विज्ञाप्तिमा निश्चित बोनस अङ्कमा तोकिएको उपहार प्राप्त गर्न सकिनेका साथै बोनस अङ्क नलिएको अवस्थामा कस्टमर कार्ड कारोबार (आन्तरिक पठाइने) अन्तर्गत प्रत्येक दोस्रो कारोबारको सेवा शुल्कमा ५ प्रतिशत छुटको सुविधा प्राप्त गर्न सकिने र पेन ड्राइभ, ब्याग, डीसहोम र मोबाईल सेट बोनस अङ्क वापत प्राप्त गर्न सकिने उपहारहरू हुनेछन् भनिएको छ ।
योजना माघ १ देखि असार मसान्त सम्म लागु हुने कम्पनिका जनसम्पर्क प्रवन्धक राजु पौडेलले बताए ।