घोराही। तुलसीपुर उद्योग बाणिज्य संघले यही माघ १३ गते देखी आयोजना गर्न थालेको मध्यपश्चिम क्षेत्रिय व्यापार तथा पर्यटन महोत्सव एवं औद्योगिक कृषि मेला २०७३बाट एक करोड रुपैयाँ बचत गर्ने लक्ष्य राखेको छ ।
संघले आज शुक्रवार घोराहीमा पत्रकार सम्मेलन गरी महोत्सवको लक्ष्य उदेश्य र तयारीका बारेमा जानकारी दिदै यस क्षेत्रको व्यापार, व्यवसाय, कृषि, पर्यटन, कला साहित्य, संस्कृतीको संरक्षण र प्रर्दद्धन गर्न आफुहरु लागि परेको जनाएको छ ।
माघ १३ गते देखी २३ गते सम्म तुलसीपुर अरनिको मैदानमा आयोजना गरिने महोत्सवमा पाँच लाख दर्शकलाई सहभागि गराउने, २० करोडको आर्थिक कारोवार गर्ने र त्यसबाट एक करोड रुपैयाँ बहुउदेश्यीय सभागृह निर्माणमा बचत गर्ने योजना रहेको संघका अध्यक्ष विमल रिजालले जानकारी दिनुभयो ।
स्वदेशी उत्पादन प्रयोग गरौ, सवल राष्ट्रिय अर्थतन्त्रको निर्माण गरौ भन्ने नाराका साथ आयोजना गर्न थालिएको महोत्सवको अहिले सम्म ९५ प्रतिशत तयारी पुरा भएको रिजालले जानकारी दिनुभयो । महोत्सवको उद्घाटन गर्न पूर्व प्रधानमन्त्री एवं नेपाली कांग्रेसका सभापति सेरबहादुर देउवा आउने संघले जनाएको छ ।
महोत्सवलाई सभ्य, पारदर्शि र भव्य बनाउनका लागि आफुहरु प्रतिबद्ध रहेको र सबैको सहयोगको अपेक्षा रहेको उहाँले बताउनुभयो । साथै महोत्सवलाई सुरक्षित बनाउन १२ वटा सिसि क्यामेरा जडान गरिनुका साथै विभिन्न तहमा सुरक्षाको व्यवस्था मिलाईएको समेत उहाँले पत्रकार सम्मेलनमा जानकारी दिनुभयो ।
वाणिज्य संघका प्रेस सल्लाहकार शरद रेग्मीले सहजिकरण गर्नुभएको पत्रकार सम्मेलनमा बोल्ने पत्रकारहरुले जिल्लामा मेला महोत्सव धेरै लाग्न थालेको र यसले बिकास तथा संबृद्धीमा पर्ने प्रभाबका बिषयमा समिक्षा गर्न आबस्यक रहेको बताएका छन् ।
महोत्सवको नामममा बिकृती भित्रन नहुने भन्दै पत्रकारहरुले पारदर्शिता अनिबार्य हुनुपर्नेमा जोड दिएका छन् ।कार्यक्रममा संघका उपाध्यक्ष सेवकराम भण्डारीले धन्यवाद ज्ञापन गर्नु भएको थियो । कार्यक्रममा पत्रकार महासंघका केन्द्रिय सदस्य अजय दिप शर्मा , पत्रकार महासंघ दाङका पूर्व अध्यक्षहरु केवि मसाल, प्रताप रेग्मी, के.एल.पिडित लगायतले महोत्सवहरु स्थानिय पहिचान र प्रवद्र्धनलाई लक्षित गरी आयोजना गर्नु पर्ने धारणा राखेका थिए ।
उनीहरुले तुलसीपुर उद्योग वाणिज्य संघले पवित्र उद्देश्यका साथ संचालन गर्न लागको महोत्सवलाई सबैले सहयोग गर्नु पर्ने समेत वताएका थिए । कार्यक्रममा राप्ती पोष्टका सम्पादक शरद अधिकारी, पत्रकारहरु सुनिल पोख्रेल, खेमराज रिजाल, निमुसंगम घर्ति , धनिराम शर्मा लगायतले वोल्नु भएको थियो ।