सान्टियागो बर्नाबाउ । स्पेनिश फुटबल ला लिगामा मालागालाई पराजित गर्दै रियाल मड्रिड पुनः लयमा फर्किएको छ । ४० खेलको अपराजित कीर्तिमान राखेको रियालले त्यसपछि लगातार दुई खेलमा पराजित हुँदा लय गुमेको अनुमान गरिएको थियो ।
तर शनिबार राति भएको खेलमा मालागालाई घरेलु मैदानमा २–१ ले पराजित गर्दै रियाल लयमै फर्किएको हो । रियाललााई जिताउन दुवै गोल सर्जियो रामोसले गरे । मालागाका लागि जुआन्पीले एक गोल फर्काए ।
खेलमा क्रिष्टियानो रोनाल्डोले खुवै मेहनत गरे पनि गोल भने गर्न सकेनन् ।
यो जितपछि अंक तालिकाको शीर्ष स्थानमा रहेको रियालले दोस्रो स्थानको सेभियासंग ४ अंकको अग्रता बनाएको छ ।
रियालको १८ खेलबाट ४३ अंक हुँदा सेभियाको ३९ तथा बार्सिलोनाको ३८ अंक छ ।
