-
-
-
-
एजेन्सी । पछिल्लो चरणमा इङ्गलिश प्रिमियर लिग रोचक बनेको छ । शनिबार राति एन्फिल्डमा पनि त्यस्तै रोचक खेल भयो । लिभरपुल घरेलु मैदानमै पराजित हुनुले फुटबल समर्थकलाई तरंगित बनाएको छ ।
एन्फिल्डमा लिभरपुललाई स्वेन्सी सिटीले ३–२ ले हराएसँगै क्लब फुटबल समर्थक तरंगित बन्न पुगेका हुन् । लिभरपुल र स्वेन्सीबीचको खेललाई लिएर सामाजिक संजाल ट्वीटरमा हंगामा भएको छ । ट्वीटरमा #LIVSWA नामक ट्रेण्ड पहिलो नम्बरमा छ ।
एन्फिल्डमा स्वेन्सीलाई विजयी गराउन फर्नान्डो लोरेन्टेले दुई तथा जिल्फी सिगुर्डसनले निर्णायक एक गोल गरे । लिभरपुलका रोबर्टो फर्मिनोले दुई गोल फर्काएपनि हार टरेन । फुटबल समर्थक हाँसे ।
यो हारले लिभरपुल दोस्रो स्थान पुग्न चुकेको छ भने टोटनह्यामले पछारेको छ । लिभरपुलको २२ खेलबाट ४५ अंक छ भने, लिभरपुललाई पछारेको टोटनह्यामको ४६ अंक भएको छ । शीर्ष स्थानको चेल्सीको भने ५२ अंक छ ।
