एजेन्सी । बलिउडका किंग खान शाहरुखको चलचित्र ‘रईस’ र क्रिस हिरो ऋतिक रोशन अभिनित चलचित्र 'काबिल' बुधवार रिलीज भएको छ । दुवै चलचित्रलाई दर्शकहरुले रुचाएका छन् । रईस र 'काबिल'ले पहिलो दिन भारतीय बक्स अफिसमा शानदार उद्घाटन गरे ।
शाहरुख खानको चलचित्र 'रईस' ले शानदार उद्घाटन गर्दै घरेलू बाजारमा २०.४२ करोड भारतीय रुपैया कमाएको छ भने ऋतिक रोशनको 'काबिल' ले १०.४३ करोड भारतीय रुपैया कमाएको भारतीय ट्रेड विज्ञ तरन आदर्शले जनाएका छन् ।
‘रईस’ र 'काबिल' दुबै बहुप्रतिक्षित चलचित्र हुन् । 'रईस' ले रिलिजको दिन गरेको कमाइ शाहरुख खानका अघिल्ला चलचित्र 'फैन' र 'डियर जिन्दगि'को भन्दा ज्यादा हो । बिहिबार भारतको गणतंत्र दिवस हो र सो बिदाको अबसरमा रईसले दोस्रो दिन भारतीय बक्स अफिसमा रेकर्ड तोड्ने आश लिइएको छ ।
दुवै चलचित्रको कमइको रेकर्डको आधारमा सप्ताहको अन्त्यमा चलचित्र कति सफल रह्यो यसको लेखा जोखा हुनेछ ।
