-
-
-
-
दमौली । तनहुँ जिल्ला अदालतबाट विभिन्न मितिमा कैद सजाय तोकिएका फरार ३५ जना अभियुक्त प्रहरीको फन्दामा परेका छन् । फरार अभियुक्तको खोजी गरिएको दुई हप्तामै उनीहरुलाई पक्राउ गरिएको जिल्ला प्रहरी कार्यालयका प्रहरी नायव निरीक्षक मनोज पाण्डेले बताए ।
पक्राउ परेका मध्ये छ जनालाई कैद भुक्तानका लागि थुनामा राख्न कारागार पठाइएको र बाँकी व्यक्ति जरिवाना रकम तिरी छुटेको उनले बताए ।
हत्यामा संलग्न व्यक्तिलाई पुर्पक्षका लागि जेल चलान गरिएको र अंशवण्डा, गाली बेइजती, ज्यान मार्ने उद्योगजस्ता मुद्दामा आदेश भएका अभियुक्तलाई पक्राउ गरी जरिवाना गराएर छाडिएको हो । अदालतले कैद र जरिवाना तोकिएपछि फरार रहेका पाँच सय १८ मध्ये ३५ जनालाई प्रहरीले पक्राउ गरेको प्रहरी उपरीक्षक उमेशराज जोशीले जानकारी दिए ।
