फेसबुकका संस्थापकले गजबसँग मनाए हिन्दूहरुको सनातन पर्व, तस्वीर भयो भाईरल
चन्द्रमास भनेको हिन्दूहरुले बैदिक कालदेखि नै चलाउँदै आएको संवत हो
प्रकाशित २०७३ माघ १६ आइतबार
5.5k
Shares
काठमाडौं। सामाजिक सञ्जाल फेसबुकका संस्थापक मार्क जुकरवर्ग एक किसिमको सेलिब्रेटी बनेर पछिल्लो समय सामाजिक सञ्जालमा देखिन थालेका छन्। कहिले के त कहिले के गरेर विश्वभरका मानिसलाई चकित पार्ने उनले पछिल्लो समय जुकरवर्र्गले आफैंले मःम बनाएको फोटो अहिले फेसबुकमा नै भाईरल भएको छ ।
उनले शनिबार राखेको तस्वीरलाई चन्द्रमासको नयाँ वर्ष मनाएको बताएका छन् । उनले चन्द्रमासको नयाँवर्षको शुभकामना दिएर लेखेको पोष्टलाई धेरै नेपालीहरुले समेत सेयर गरेका छन् । उनको उक्त पोष्ट २१ हजार ६ सय ८८ जनाले सेयर गरेका छन् । भने कूल ९ लाख ७९ हजार जनाले लाईक गरेका छन् । जुकरवर्गले चन्द्रमासको नयाँ वर्षको दिन आफ्नी श्रीमती प्रिसिल्लियासँग मम बनाउँदै गरेको बताएका छन् । नयाँ वर्षको उपलक्ष्यमा उनले सबैलाई शुभकामना समेत दिएका छन् ।
के हो चन्द्रमास ?
चन्द्रमास भनेको हिन्दूहरुले बैदिक कालदेखि नै चलाउँदै आएको संवत हो । तर अहिलेको विक्रम संवत् सुरु गर्ने भारतका राजा विक्रमादित्यले हस्तक्षेप गरी सूर्य मास अनुसार बैशाख महिनामा नयाँ वर्ष मनाउने गरेको ज्योतिष पंण्डित डा. प्रकाश ढकालले जानकारी दिए । यही अर्थात् शनिबार नै चिनियाँहरुले पनि नयाँवर्ष मनाएका छन् ।
