एजेन्सी । बलिउड अभिनेत्री प्रिती जिन्टाले मंगलवार आफ्नो ४२ औँ जन्मदिन मनाएकी छन् । सोमवार राति उनि अभिनेता फरदीन खानसँग मुंबईको रेष्टुरेण्टमा देखिइन् । सो क्रममा प्रिटी फेशन डिजाइनर सुरीली गोयलले डिजान गरेको निलो रंगको कपडामा थिइन् । प्रिती निकै मोटाएकी छन् । विवाह पछि उनको वजन बढेको छ ।
अघिल्लो बर्ष प्रिटी जिन्टाले आफु भन्दा १० बर्ष कन्छो अमेरिकन नागरिक जीन गुडइनफसँग विवाह गरेकि थिइन् । २९ फेब्रुवरीमा दुवैले लस एन्जलसमा एक प्राइवेट सेरेमनीमा विवाह गरे । लस एन्जलसमा चुपचाप विवाह पछि प्रितीले आफ्नो निजका साथिहरुका लागि मुंबईमा रिसेप्शन पार्टी दिएकी थिइन् । १३ मेमा राखिएको सो पार्टीमा सलमान खान, शाहरुख खान, माधुरी दीक्षित, सुष्मिता सेन, महेश भूपति र लारा दत्ता, शाहिद कपूर-मीरा राजपूत लगायत बलिउडका कलकारको उपस्थिति थियो ।
