स्टाडियो भिसेन्टे काल्डेरोन । स्पेनिश घरेलु फुटबल प्रतियोगिता कोपा डेल रेको सेमिफाइनल पहिलो लेगको खेलमा बार्सिलोनाले एथलेटिको मड्रिडलाई २–१ ले हराएको छ ।
खेलको ७ मिनेटमै लुइस सुवारेजको गोलबाट बार्सिलोनाले अग्रता बनायो । ३३ औं मिनेटमा लिओनल मेसीले अग्रता बढाए ।
५९ औं मिनेटमा ग्रेजम्यानले गोल गर्दै एथलेटिकोलाई अन्तरमात्र कम गराए । हार टार्न भने सकेन ।
सुवारेजको गोललाई भने बार्सिलोनामा सबैभन्दा उत्कृष्ट गोल भनी मूल्यांकन गरिएको छ ।
सेमिफाइनलको दोस्रो लेगको खेल आगामी मंगलबार राति बार्सिलोनाको मैदानमा नोउ क्याम्पमा हुनेछ ।
