लण्डन । इङ्ल्याण्ड र चेल्सीका पूर्व मिडफिल्डर फ्रान्क लाम्पार्डको २१ वर्षे खेलाडी जीवनले सन्यास लिएसंगै प्रशिक्षकको रुपमा हेर्न थालिएको छ । इङ्ल्याण्डको फुटबल एफएले पनि उनलाई प्रशिक्षकको भूमिकामा सघाउन सकिने संकेत गरेको छ ।
त्यस्तै चेल्सीले पनि म्यानेजरको भूमिकामा राख्न सकिने जनाएको छ । २१ वर्षे व्यवसायिक फुटबलका क्रममा लाम्पार्डले चेल्सीबाट ६ सय ४९ र इङ्ल्याण्डको राष्ट्रिय टोलीबाट एक सय ९ खेल खेलेका थिए ।
३८ वर्षे लाम्पार्डले मैदानभित्रको भूमिका पुगेकाले अब मैदान बाहिरको भूमिकामा देखिन चाहने इच्छा व्यक्त गरेकाले पनि उनलाई प्रशिक्षक बनाउनु पर्नेमा धेरैको मत छ ।
