एजेन्सी । अभिनेता शाहरूख खानको चलचित्र ‘रईस’ सँगै रिलिज भएको ऋतिक रोशन अभिनित चलचित्र 'काबिल' १०० करोडको कल्बमा प्रवेश गरेको छ । 'काबिल' ले ११ दिनमा १०० करोडको कल्बमा प्रवेश गरेको हो । रिलिजको दिन ९.२२ करोड कमाई गरेको काबिलले अहिलेसम्म कुल १०६.२ करोड रुपैया कमाएको छ ।
काबिल चलचित्रलाई दर्शकहरुको राम्रो प्रतिक्रिया मिल्नुका साथै यस हफ्ता बक्स अफिसमा कुनै ठुलो लगानिको चलचित्र रिलीज नहुनुले फाइदा पुगेको छ ।
ऋतिकको लागि उनको अघिल्लो ठुलो बजेटको चलचित्र ‘मोहेनजोदारो’ नचलेको कारण पनि चलचित्र अहम मानिएको छ । साथै यस पटक उनको टक्कर शाहरुख खानसँग पर्नुले चाहि चलचित्रमा असर परेको देखिन्छ ।
