काबुल । अफगानिस्तानमा आतंकवादी समूह इस्लामिक स्टेट आइएसले अन्तर्राष्ट्रिय रेडक्रस समितिका ६ जना कर्मचारीको हत्या गरेको छ ।
आइएसले कुश तेपा प्रान्तमा रेडक्रसका कर्मचारीमाथि आक्रमणपछि गोली हानी हत्या गरेका त्यहाँका गभर्नरले जनाएका छन् । घटनास्थल अफगानिस्तानको राजधानी काबुलदेखि ३ सय ९० किलोमिटर उत्तरतर्फ पर्दछ ।
आइएस समर्थित लडाकुहरुको समूहले अपहरण गरेका आठ जनामध्ये छ जनाको हत्या गरेको रेडक्रसले जनाएको छ ।
कर्मचारीको हत्यापछि रेडक्रसले अफगानिस्तानमा आफ्ना सम्पूर्ण कार्यक्रम अस्थायी रुपमा स्थगित गरेको जनाएको छ ।
घटनाका पीडित सबै जना अफगान मुलकै हुन् ।
आइएसले सन् २०१५ देखि अफगानिस्तानमा हिंसात्मक गतिविधि बढाउँदै लगेको छ ।
