स्टाडियो मेन्दिजोर्रोजा । स्पेनिश फुटबल लिग ला लिगामा बार्सिलोनाले आधा दर्जन गोल बर्साएको छ । बार्सिलोनाले अलाभेसलाई ६–० ले हरायो । बार्सिलोनालाई जिताउन लुइस सुवारेजले दुई गोल गरे भने लुइस सुवारेज, लियोनल मेसी, नेमार र इभाँ राकिटिकले एक एक गोल गरे ।
एलेक्सिसले आत्मघाती गोल गरेसंगै बार्सिलोनाले आधा दर्जन गोल बनाएको हो ।
त्यस्तै रियाल मड्रिडको विजयी यात्रा कायमै छ । रियालले ओसासुनालाई ३–१ ले हरायो । रियाललाई जिताउन क्रिष्टियानो रोनाल्डो, इस्को र लुकास भाजक्वेजले एक एक गोल गरे ।
अन्य खेलमा रियाल सोसिडाडले स्पानियोललाई २–१ ले, एथलेटिक बिलबाओले डेपोर्टिभोलाई २–१ ले हरायो । त्यस्तै रियाल बेटिस र भ्यालेन्सियाले गोलरहित बराबरी खेलेका छन् ।
लिगमा २० खेलबाट ४९ अंकको रियाल मड्रिड शीर्ष स्थानमा छ । २२ खेलबाट ४८ अंकको बार्सिलोना दोस्रो स्थानमा छ । त्यस्तै २१ खेलबाट ४३ अंक जोडेको सेभिया तेुस्रो स्थानमा छ ।
