स्टाडियो । स्पेनिश लिग ला लिगा फुटबलमा रियाल बेटिसलाई झड्का लागेको छ । बेटिसलाई रेलिगेशन क्षेत्रमा रहेको ग्रानाडाले ४–१ ले हराएको हो । घरेलु मैदानमा खेलेको ग्रानाडाले ४–० ले अग्रता लिएपछि भने तनाव भएको थियो ।
त्यसपछि दुवैतर्फका एक एक खेलाडीले रातो कार्ड खाए । ७५ औं मिनेटमा भने पेट्रोसले गोल गर्दै सान्त्वना गोल फर्काए । यसअघि आद्रियन रामोसले दुई तथा मेहदी कार्सेला गोन्जालेज र एन्द्रियस पेरेइराले ग्रानाडालाई एक एक गोल दिलाएका थिए ।
लिगमा शनिबार राति विभिन्न खेल हुँदा लिग लिडर रियाल मड्रिडले नेपाली समय अनुसार राति ९ बजे स्पानियोलसंग घरेलु मैदानमा खेल्दैछ ।
त्यस्तै राति १ः३० बजे सेभियाले घरेलु मैदानमा आइबरसंग खेल्नेछ ।
लिगमा २० खेलबाट ४९ अंकको रियाल मड्रिड शीर्ष स्थानमा रहँदा दुई खेल बढी खेलेको बार्सिलोना ४८ अंकसहित दोस्रो स्थानमा छ ।
२२ खेलबाट ४६ अंकको सेभिया तेस्रो स्थानमा छ ।
