arrow

आईजीपी नियुक्ति विवादको सुनुवाई 'हेर्दाहेर्दै' रोकियो

logo
प्रकाशित २०७३ फागुन ११ बुधबार
suprem-court.jpeg
काठमाडौं । नेपाल प्रहरीका महानिरीक्षक(आईजीपी) नियुक्ति विवादमा आजदेखि सुरु भएको सुनुवाई हेर्दाहेर्दै रोकिएको छ । बुधबार सुनुवाई नसकिएपछि बिहीबार फेरि सुनुवाई गर्नेगरी रोकिएको सर्वाेच्च अदालतले जनाएको छ । 
 
अधिवक्ता कपिलदेव ढकालले दायर गरेको रिटमा बुधबारदेखि बहस सुरु भएको हो । बुधबार निवेदकका तर्फबाट निवेदक कपिलदेव ढकाल, अधिवक्ता ओमप्रकाश अर्याल, भीमार्जुन आचार्य र शम्भु थापाले बहस गरेका थिए । त्यस्तै निव्दककै तर्फबाट बद्री बहादुर कार्की, तुलसी भट्ट, हरि फुयाँल र बालकृष्ण न्यौपानेले बहस गरेका थिए । बिहीबार रिट निवेदक ढकाललाई डे९ घण्टा बहस गर्न समय दिईएको र त्यसपछि प्रतिपक्षीको बहस सुन्ने कार्यतालिका रहेको अधिवक्ता ओमप्रकाश अर्यालल् जानकारी दिए । 
 
न्यायाधीशद्वय हरिकृष्ण कार्की र तेजबहादुर केसीको संयुक्त इजलासमा बहस सुरु भएको हो। अधिवक्ता कपिलदेव ढकालले गत माघ २८ गते प्रधानमन्त्री तथा मन्त्रिपरिषदको कार्यालयसमेत ५ र शेरबहादुर देउवासहित ४ जनाको नाममा सर्वोच्चमा रिट हालेका थिए। त्यसपछि फागुन १ गते डिआईजी नवराज सिलवालले प्रधानमन्त्री तथा मन्त्रिपरिषदको कार्यालयसहित ३ जनाविरुद्ध अदालतमा रिट दायर गरेका थिए।
 
डीआइजी नवराज सिलवालको रिट निवेदकको पक्षबाट वरिष्ठ अधिवक्ता शम्भु थापा, बद्री बहादुर कार्की, अधिवक्ता टिकाराम भट्टराई, ओम प्रकाश अर्याल, बाबुराम कुँवर लगायतले बहस गर्दैछन्।
 



लोकप्रिय समाचार
लोकप्रिय समाचार
नयाँ