हेटौंडा । डिभिजन सडक कार्यालय हेटौँडाले जारी राखेको सडक फराकिलो पार्ने अभियान शिवरात्री तथा मेसिन मर्मतको लागि भन्दै बिहीबार, शुक्रवार र शनिवारको लागि स्थगित गरिएको छ । डिभिजन सडक कार्यालय हेटौँडाका प्रवक्ता जयराम लामिछानेले सडक विस्तार पुर्ण रुपमा नरोकिएको तर शिवरात्रि र मेसीन मर्मत गर्नुपर्ने भएकोले ३ दिनको लागि रोकिएको बताए ।
उनले १२ गतेको सर्वोच्चको फैसला पश्चात १५ गते देखी फरक ढंगबाट एकैपटक आधा दर्जन स्थानमा डोजर चलार्इने जानकारी दिए । उनका अनुसार अब हेटौँडाको मेनरोड, सिमाचौक र पिपलबोट रोडमा सडक फराकिलो पार्ने अभियानको सुरुवात गरिने बताए ।
