एजेन्सी । भारतको झुपडीमा रहने एक बालक ओस्कारमा सेलेब्रिटी बनेका छन् । ओस्करको लागि नोमिनेट भएको बलिउड चलचित्र 'लायन' मा सहभागि हुन लस एन्जलस पुगेका सनी पवार सेलेब्रिटी बनेका हुन् । सनी मुम्बाइको झुपडीमा बुवा आमासँग रहदै आएका छन् । ८ बर्षिय सनीले चलचित्रमा अभिनेता देव पटेलको बाल्यकालको भुमिका निभाएका छन् । लस एन्जेलिसमा आयजना गरिएको ८९ औँ ओस्कार समारोहमा उनलाई कयौ सेलेब्रिटीले अँगालो मर्दै तस्विर खिचाए भने कतिले काखमा राखेर ।
चलचित्र लायनमा 'सारू' को भुमिका निभाउने सनी पवार लस एन्जलसमा ओस्करको रेड कारपेटमा एक छत्र चम्किए । चलचित्रमा आफ्नो अभिनयलाई दमदार प्रस्तुत गरेका बालकलाकार सनीको अभिनेत्री निकोल किडमेनले समेत प्रशंसा गरेकी छन् ।