स्टाडियो सान्चेज पिजुवाँ । स्पेनिश फुटबल लिग ला लिगामा सेभिया विजयी भएको छ । घरेलु मैदानमा स्टाडियो सान्चेज पिजुवाँमा बिहीबार राति खेलेको खेलमा सेभियाले एथलेटिक बिलबाओलाई १–० ले हरायो ।
खेलको १४ मिनेटमा भिन्सेन्ट इबोराले हानेको गोल नै निर्णायक भयो । यसअघि सोही समयमै पाएको पेनाल्टीलाई स्टेभान योभेटिकले गोलमा परिणत गर्न सकेका थिएनन् ।
यो जितपछि सेभियाले दोस्रो स्थानको रियाल मड्रिडसंग अंक दूरी कम गरेको छ । सेभियाको २५ खेलबाट ५५ अंक भएको छ भने २४ खेलबाट रियालको ५६ अंक छ ।
२५ खेलबाटै शीर्ष स्थानको बार्सिलोनाको ५७ अंक छ ।
लिग अन्तर्गतकै बिहीबार रातिको खेलमा एथलेटिको मड्रिडले डेपोर्टिभो लाकोरुनासंग १–१ को बराबरी खेलेको छ । १३ मिनेटमा फोरिन एन्दोनले गोल गर्दै डेपोर्टिभोलाई अग्रता दिलाएका थिए ।
तर एथलेटिको मड्रिडलाई बराबरी गर्न ६८ मिनेटसम्म कुर्नुप¥यो । एन्टोइन ग्रिजम्यानले बराबरी गरेका हुन् ।
यो बराबरीले २५ खेलबाट ४६ अंकमा रहेको एथलेटिको मड्रिडले तेस्रो स्थानको सेभियासंग अंक दूरी मात्र ९ मा झारेको छ ।
खेलका क्रममा फर्नान्डो टोरेस भने टाउकोमा गम्भीर चोट लागेपछि अस्पतालमा भर्ना हुनु परेको छ । तर उनको अवस्था ठीक भएको अस्पताल स्रोतले जनाएको छ ।
