एजेन्सी । बलिउड अभिनेता संजय दत्तका बडीगार्डले पत्रकार कुटेका छन् । सो घटना आगरामा भएको हो । दत्तको आगामी चलचित्र ‘भूमी’ को सुटिङ क्रममा झडपपछि मिडियाकर्मीमाथि हमला गरेका छन् ।
संजय दत्त बिरुद्ध पत्रकारले प्रहरीमा लिखित उजुरी दिएका छन् । पीडित पत्रकार अजय कुमारले भने, ‘म यहाँ समाचार संकलन गर्न आएको थिएँ । संजय दत्तका बडिगार्डले ममाथि हात उठाए र लठ्ठीले मेरो टाउकोमा हाने। घटनाका कारण मेरो छाती र टाउकोमा गम्भीर चोट लागेको छ ।’ घटना पछि दत्तले माफी मागेका छन् ।