कञ्चनपुर। गोलीलागी एक नेपालीको निधनभएपछि आक्रोशित बनेको कञ्चनपुरको नेपालीभीड अहिले नेपाली झण्डा सहित नेपाल भारतको सीमामा आन्दोलन गरिरहेका छन् । प्रहरीको उच्च सतर्कताकाबीच हजारौं संख्यामा रहेका नेपालीहरुले दिनभर प्रदर्शन गरेका छन् ।
पुनर्वास क्षेत्रमा भएको तनाव कम गर्नको लागि अहिले नेपाली सुरक्षाकर्मीहरु नेपाल र भारतकागरी झण्डै पाँच सयको हाराहारीमा तैनाथ भएका छन् भने भारतीय भूमि तर्फ पनि सोही मात्रामा एसएसबी परिचालित भएका छन् ।
प्रहरीलाई विहानैदेखि भीड नियन्त्रणको लागि हम्मेहम्मे परिरहेको छ । प्रदर्शनकारीले नेपालीमाथि गोली चलाउने एसएसपीमाथि आक्रमण गर्न नदिएको भन्दै प्रहरीमाथि समेत ढुंगामुढा गरिरहेका छन् । नेपाली राष्ट्रिय झण्डाका साथमा गएका नेपालहरुहरुलाई रोक्नको लागि अहिले सशस्त्रप्रहरीले मानव सांलो बनाएर रोकिरहेको छ ।
यसैबीच स्थानीयमाथि बिहीबार सशस्त्रले गरेको ज्यादतीपछि आक्रोशित भएका नेपालीहरुले भारतीय नागरिकले पुनर्वासमा खोलेका १२ वटा पसलमाथि तोडफोड गरेका छन् भने दुई ट्याक्टरमाथि आगजनी गरेका छन् ।
सीमा पारी करीब ६ सयको हाराहारीमा भारतीयहरु रहेका छन् । दिनभरीमा एसएसबीले नेपाललाई त्रास बढाउनको लागि दिनभरीमा २८ राउण्ड हवाई फायर गरेको थियो भने २० सेल अश्रुग्यास प्रहार गरेको थियो । साँझसम्म पनि यहाँको स्थिती तनावग्रस्त बनिरहेको छ ।
