सान्टियोगो बर्नाबेउ । रियाल मड्रिड स्पेनिश लिग फुटबल ला लिगाको शीर्ष स्थानमा पुगेको छ । बार्सिलोना पराजित हुँदा रियालले घरेलु मैदानमा रियाल मड्रिडले रियाल बेटिसलाई २–१ ले हराएको हो ।
खेलमा बेटिसले एन्टोनियो सानाब्राइयाको गोलबाट अग्रता लिए पनि मड्रिडलाई क्रिष्टियानो रोनाल्डो र सार्जिओ रामोसले गोल गर्दै जिताए । खेलमा बेटिसका क्रिष्टियानो पिसिन्नीले दोहोरो पहेंलो कार्ड आएका थिए ।
जितसंगै २६ खेलबाट ६२ अंकसहित रियाल मड्रिड लिग तालिकाको पहिलो स्थानमा पुगेको हो । २७ औं खेलमा भने बार्सिलोना डेपोर्टिभो लाकोरुनासंग २–१ ले पराजित हुँदै दोस्रो स्थानमा झरेको छ ।
जोसेलु र बर्गान्टिनोसले गोल गर्दै डेपोर्टिभोलाई महत्वपूर्ण सफलता दिलाए । लुइस सुवारेजले बार्सिलोनालाई खेलमा फर्काउने प्रयास गरे पनि उनको गोल खेर गयो ।
यो हारले बार्सिलोनाको उपाधि दावेदारी कमजोर हुँदै गएको आँकलन गर्न थालिएको छ । बार्सिलोनाको २७ खेलबाट ६० अंक छ ।
