स्टामफोर्ड ब्रिज । इङलिश प्रिमियर लिग फुटबलको शीर्ष स्थानमा रहेको चेल्सी एफए कप फुटबलको सेमिफाइनलमा पुगेको छ । अन्तिम क्वार्टरफाइनल खेलमा चिरपरिचित प्रतिद्धन्द्धी म्यानचेष्टर युनाइटेडमाथि १–० को जित निकाल्दै चेल्सीले सेमिफाइनलमा ठाउँ बनाएको हो ।
चेल्सीलाई जिताउन खेलको ५१ औं मिनेटमा एनगोलो काँटेले गरेको गोल नै निर्णायक गोल बन्यो । त्यसअघि खेलको ३५ औं मिनेटमा एन्दर हेरेराले दोहोरो पहेंलो कार्ड खाँदै मैदानबाट बाहिरिनु पर्दा म्यानचेष्टर युनाइटेड १० जनामा सीमित भएको थियो ।
तर बढीभन्दा बढी गोल गरेर आफ्नो पूर्व प्रशिक्षक होजो मौरिन्होलाई अझ बढी चिन्तित पार्ने काम चेल्सी खेलाडीले गर्न सकेनन् ।
यो हारले भने चेल्सीको घरेलु मैदानमा स्टामफोर्ड ब्रिजमा मौरिन्हो अपमानित महशुस गर्न वाध्य भएका छन् ।
दुई पटकसम्म चेल्सीबाट बर्खास्दगीमा परेका मौरिन्होलाई चेल्सीमाथि उसकै मैदानमा जित हासिल गरी बदला लिने राम्रो अवसर थियो ।
मौरिन्हो चेल्सीका लागि सबैभन्दा सफल प्रशिक्षक मानिन्छन् । तर गत वर्ष उनी चेल्सीबाटै हटाइएका थिए ।
यो खेलपछि एफए कपको सेमिफाइनल समीकरण पूरा भएको छ । सेमिफाइनलमा चेल्सीसंगै अन्य प्रिमियर क्लवहरु म्यानचेष्टर सिटी, टोटनह्याम हट्सपर र आर्सनल पनि पुगेका छन् ।
चेल्सीले टोटनह्यामसंग र म्यानचेष्टर सिटीले आर्सनलसंग खेल्नेछ ।
