मोनाको । इङलिश प्रिमियर लिग क्लव म्यानचेष्टर सिटी च्याम्पियन्स लिग फुटबलको प्रिक्वार्टरफाइनलबाटै बाहिरिएको छ । राउन्ड अफ सिक्सटिनको खेलमा फ्रेन्च क्लव मोनाकोसंग पहिलो र दोस्रो लेगको खेलपछि एग्रिगेटमा ६–६ को बराबरी भए पनि अवे गोलका आधारमा फाइदा लिंदै मोनाको क्वार्टरफाइनलमा पुगेको हो ।
पहिलो लेगमा म्यानचेष्टर सिटीको मैदानमा ५–३ ले पराजित भएको मोनाकोले दोस्रो लेगमा बुधबार राति ३–१ को जित निकालेको हो । यो हारले भने म्यानचेष्टर म्यानेजर पेप ग्वार्डिओलालाई झड्का लागेको छ ।
यथा स्पेनिश क्लव एथ्लेटिको मड्रिड क्वार्टरफाइनलमा पुगेको छ । जर्मन क्लव बायर लिभरकुजेनमाथि एग्रिगेटमा ४–२ को जितका साथ एथलेटिको क्वार्टरफाइनलमा पुगेको हो ।
पहिलो लेगमा ४–२ को विजय पाएको एथलेटिकोले बुधबार राति घरेलु मैदानमा भने गोलरहित बराबरीमै समेटिनु पर्यो ।
