युएई । विश्वकप छनोट क्रिकेटमा जापानले युएईलाई हराएको छ । घरेलु मैदानमा खेलेको युएईमाथि जापानले २–० को जित निकालेको हो । जापानलाई जिताउन युया कोबो र यासुयुकी कोन्नोले एक एक गोल गरे ।
एसियाली समूहको समूह बी मा रहेको जापानले यो जितसंगै ६ खेलबाट १३ अंकसहित शीर्ष स्थानको साउदी अरेबियासंग बराबरी गरेको छ । साउदी अरेबियाले थाइल्याण्डलाई ३–० ले हराउँदै शीर्ष स्थानलाइ कायमै राखेको हो ।
सोही समूहको अष्ट्रेलियाले ईराकसंग १–१ को बराबरी खेलेको छ । अष्ट्रेलिया १० अंकसहित ६ टिम सहभागी समूहको तेस्रो स्थानमा छ ।
यता, समूह ए को खेलमा चीनले दक्षिण कोरियालाई १–० ले हराएको छ । चीनलाई जिताउन खेलको ३४ औं मिनेटमा तपयो यीउले निर्णायक गोल गरे ।
त्यस्तै इरानले कतारलाई १–० ले तथा सिरियाले उज्वेकिस्तानलाई १–० ले हरायो । ६ खेलबाट १४ अंकसहित इरान शीर्ष स्थानमा छ भने १० अंकको दक्षिण कोरिया दोस्रो स्थानमा छ ।
९ अंकबाट उज्वेकिस्तान तेस्रो, ८ अंकबाट सिरिया चौथो, ५ अंकबाट चीन पाँचौं तथा ४ अंकबाट कतार पुछारमा छ ।
