हेटौंडा । राष्ट्रिय प्रजातन्त्र पार्टीका केन्द्रीय अध्यक्ष एवम् उपप्रधान, संघीय मामिला तथा स्थानीय विकास मन्त्री कमल थापाले सम्पुर्ण नेपालीहरुको बैशाख ३१ मा हुने स्थानीय तहको चुनाबमा सहभागिता अत्यावश्यक रहेको बताएका छन । राप्रपा मकवानपुरले मन्त्री थापाको सम्मानमा आयोजना गरेको कार्यक्रमलाई शनिबार हेटौडामा संबोधन गर्दै उनले यसो बताएका हुन ।
मन्त्री थापाले २० वर्ष पछि हुन लागेको स्थानीय तहको चुनावले स्थानीय सरकारको निर्माण गर्ने भएकोले यस चुनावमा सबै नेपाली तथा राजनैतिक दलहरुको सहभागिता अत्यावश्यक रहेको बताएका हुन् । स्थानीय चुनावमा कुनै पनि दल अलग हुनु नमिल्ने भन्दै थापाले राप्रपा मधेसी दललाई वार्तामा ल्याएर चुनावमा सहभागी गराउने पक्षमा रहेको समेत बताए ।
कार्यक्रममा राप्रपा मकवानपुरका अध्यक्ष रामहरि न्यौपानेको अध्यक्षतामा सम्पन्न कार्यक्रममा राप्रपाका सह–महामन्त्री राजाराम बर्तौला, केन्द्रीय सदस्य दिपक सिंह, पूर्वकेन्द्रीय सदस्य मधु अधिकारी र सांसद गणेश थापा लगायतको सहभागीता रहेको थियो ।
