काठमाडौं । विश्वकप छनोट फुटबल अन्तर्गत युरोपेली क्षेत्र अन्तर्गत समूह सी को खेलमा डिफेन्डिङ च्याम्पियन जर्मनी विजयी भएको छ । जर्मनीले अजरबैजानलाई ४–१ ले हरायो । जर्मनीलाई जिताउन आन्द्रे सुर्लेले दुई तथा थोमस मुलर र मारियो गोमेजले एक एक गोल गरे ।
त्यस्तै चेक गणतन्त्रले सान मारिनोलाई ६–० ले हरायो । नर्वे भने पराजित भएको छ । नर्वेलाई नर्दन आयरल्याण्डले २–० ले हराएको हो ।
यी खेलपछि समूह सी मा अपराजित जर्मनी ५ खेलबाट १५ अंकसहित शीर्ष स्थानमा छ । १० अंकको नर्दन आयरल्याण्ड दोस्रो तथा चेक गणतन्त्र ८ अंकबाट तेस्रो स्थानमा छ ।
अजरबैजानको ७, नर्वेको ३ अंक छ भने सान मारिनो अंकविहीन छ ।
