एजेन्सी । 'बाहुबली २' रिलिज पुर्व नै रेकर्ड बनाउन सुरु गरेको छ । चलचित्रले रिलीज भन्दा पहिले सेटेलाइट्स राइट्सको माध्यमबाट ५०० करोड भन्दा ज्यादा कमाइ गरेको छ । हिंदी लगायत चलचित्र तमिल, तेलुगू ,मलाया भाषामा रिलीज हुनेछ ।
चलचित्रको कमाई र चर्चाले सबै तिर छोएको छ । १० दिन अघि रिलिज भएको चलचित्रको ट्रेलर १० करोड पटक हेरिसकिएको छ ।
'कटप्पाले बाहुबलीलाई किन मारे ...?' भन्ने प्रश्नको उत्तर लिएर निर्देशक राजामौली चलचित्रको सिक्वेल 'बाहुबली २' मा आएका छन् । चलचित्र २८ अप्रिलमा रिलिज हुनेछ ।
निर्देशक एस राजामौलीले चलचित्रको इभेन्टमा पहिलो पटक ३६० डिग्रि लाइभ स्ट्रीमिंगको प्रयोग गरिने ट्विटरमा जानकारी दिएका छन् ।