काठमाडौं । सोमबार बिहान त्रिभुवन अन्तर्राष्ट्रिय विमानस्थलभित्र चितुवा पसेपछि विमानस्थल नै बन्द गर्नुपरेको छ । अचानक धावनमार्गमा चितुवा देखिएपछि आधा घण्टाजति विमानस्थल नै बन्द गर्नुपरेको थियो ।
बिहान ७ बजेतिर देखिएको चितुवा रनवे र ट्याक्सी वेको बीचमा रहेको ड्रेनमा लुकेको विमानस्थल प्रहरीले जनाएको छ ।
लुकेको जनावर चितुवा हो वा अर्को कुनै जनावर भन्ने यकिन भने नभएको जनाइएको छ ।
चितुवाको घटनाले बिहान आन्तरिक तथा बाह्य उडान तथा अवतरण रोकिए ।
अवतरणका लागि आएका एयर अरेबिया र ड्रुक एयरसमेत आकाशमा होल्ड भएका थिए ।