- सुन चाँदी दर
- विनिमय दर
- नेपाली पात्रो
- राशिफल
विराटनगर । मोरङकै सबैभन्दा ठूलो गाउँपालिका केराबारीमा काँग्रेसले अध्यक्ष र उपाध्यक्ष पदमा सर्वसम्मत उम्मेदवार चयन गरेको छ । काँग्रेसका जिल्ला सदस्य तथा प्रचार विभाग प्रमुख रोहित कार्कीलाई उक्त गाउँपालिकामा सर्वसम्मत अध्यक्षको रुपमा सिफारिस गरिएको हो ।
त्यस्तै, कल्पना राई कटुवाल महिला उपाध्यक्षमा सर्वसम्मत उम्मेदवारमा सिफारिस गरिएको छ । अध्यक्षको दौडमा तिलक मगर, प्रकाश बस्नेत, बिर्ख थापा, नरबहादुर लिम्बू, गजेन्द्र भण्डारी र शिव थापा पनि थिए । तर, बाँकी ६ जनाले कार्कीलाई नै सर्वसम्मत बनाउन सहमति जनाएका हुन ।
दशवटा वडा भएको केराबारी गाउँपालिकामा १७ हजार ५ सय मतदाता छन । यो जिल्लाकै ठूलो गाउँपालिका हो । गाविसको जनसंख्या पनि अन्यको तुलनामा धेरै छ । काँग्रेसले केराबारीका सबै वडामा सर्वसम्मत उमेदवारको नाम जिल्लामा सिफारिस गरिसकेको छ ।