-
-
-
-
वेम्बले । प्रिमियर लिग क्लव चेल्सी इङलिश एफए कप फुटबलको फाइनलमा प्रवेश गरेको छ । पहिलो सेमिफाइनलमा प्रिमियर लिगको शीर्ष स्थानमा रहेको चेल्सीले दोस्रो स्थानमा रहेको टोटनह्याम हटसपरलाई ४–२ ले पराजित गरेको हो ।
२–२ को बराबरीसम्म निकै प्रतिस्पर्धा भए पनि त्यसपछि भने चेल्सी अगाडि लागेको थियो । चेल्सीलाई जिताउन विलियनले २ तथा एडन हजार्ड र नेमानिया माटिकले १–१ गोल गरे ।
८६ हजार ३५५ दर्शक सामु वेम्बले मैदानमा खेलेको टोटनह्यामले आफ्ना फ्यानलाई निराश पार्ने क्रममा ह्यारी काने र देले अलीले सान्त्वना गोल गरेका थिए ।
एफए कप फुटबलको अर्को सेमिफाइनलमा आइतबार बेलुकी आर्सनल र म्यानचेष्टर सिटी भिड्दै छन् । खेल ७ः४५ बजे सुरु हुनेछ ।
