-
-
-
-
काठमाडौ । हेटौंडामा अहिले स्थानीय तहको निर्वाचनकोलागि मनोनयन दर्ता हुने क्रम जारी रहेको छ । जिल्ला समन्वय समिति (जिविस) मकवानपुरको परिसरमा रहेको मूख्य निर्वाचन अधिकारीको कार्यालयमा र्याली सहित गएको काँग्रेसको टोलीले पनि मनोनयन दर्ता गरेको छ ।
नेपाली काँग्रेसलाई बिहान १० बजेदेखि ११ बजे मनोनयन दर्ताको समय दिइएकोमा काँग्रेसले हेटौडा उपमहानगरपालिकाको मेयरको उम्मेदवारमा आनन्दराम पराजुली र उपमेयरमा लक्ष्मी श्रेष्ठको नाम मनोनयन दर्ता गराएको छ । अहिले नेकपा एमाले मॉओबादी पनि मनोनयन दर्ताका लागी मूख्य निर्वाचन अधिकारीको कार्यालयमा र्याली सहित पुगिसकेका छन् ।
एमालेबाट मेयरमा हरिबहादुर महत र उपमेयरमा मीरा लामाले टिकट पाएका छन् । त्यस्तै माओवादीबाट बलराम बल लामा मेयरमा र उपमेयरमा कमला पौडेलले उम्मेदवारी दिने भएका छन् । भने शाही कालमा भएको निर्वाचनमा मेयर बनेका मधु अधिकारी राप्रपाबाट मेयरमा उम्मेदवारी दिँदै छन् । नेकपा मालेको तर्फबाट भने मेयरका भीमसेन महतको उम्मेदवारी परेको छ ।
