-
-
-
-
भक्तपुर । नेपाली काँग्रेसका नेता कृष्णप्रसाद सिटौलाले कार्यकारी अधिकारको सुनिश्चितताका लागि प्रधानन्यायाधीशविरुद्ध महाभियोगको प्रस्ताव ल्याइएको बताएका छन् ।
काँग्रेस चाँगुनारायण नगरस्तरीय चुनाव प्रचार समितिको आयोजनामा सोमबार खरिपाटीमा आयोजित आमसभामा सिटौलाले ‘न्यायपालिकाले कार्यपालिकाको कार्यकारी अधिकार कुण्ठित हुने गरी निर्णय गर्न थालेको जनाउँदै सोही कारण महाभियोग लगाउनुपरेको प्रस्ट पारे ।
जनताले मुलुकको समृद्धि, शान्ति र विकासका लागि विगतमा सङ्घर्ष गरेको र सो सङ्घर्षको उपलब्धिस्वरुप प्राप्त संविधानको कार्यान्वयन र प्राप्त उपलब्धि रक्षाका लागि काँग्रेस नेतृत्वको विकल्प नभएको नेता सिटौलाको भनाइ छ ।
चाँगुनारायण नगरपालिकामा काँग्रेसका तर्फबाट प्रमुखका उम्मेदवार राजाराम खड्काले नगरको साधन स्रोतको उचित व्यवस्थापन गरी अधिकतम उपयोग गरिने र उपलब्ध साधन स्रोतको उपयोगबाट समृद्ध नगर बनाइने योजना रहेको बताए ।
