काठमाडौ। मानवअधिकार तथा शान्ति समाजले भारतीय नाकाबन्दीका विरुद्ध लैनचौरस्थित भारतीय दूतावास नजिकै शु्क्रबार गरेको धर्नामा प्रहरीले ३५ जना अधिकारकर्मीलाई पक्राउ गरेको छ ।
धर्नाका क्रममा प्रहरीले समाजका पूर्व सभापति कृष्ण पहाडी, सभापति गङ्गाधर अधिकारी, महासचिव उत्तम पुडासैनी, कोषाध्यक्ष रेणुका पौडेल तथा अधिकारकर्मी होमकान्त चौलागाईं, कृष्ण कँडेललसहित ३५ जनालाई पक्राउ गरेको हो ।
‘पिपुल आर डाइङ, नेपाल गर्भमेन्ट इज इन्ज्वाइङ, बल्केड इज क्राइम, इन्डिया इज इन्ज्वाइङ’ भनी ब्यानरमा सहभागीले प्रदर्शन गरेका थिए । समाजका सचिव गोविन्द खनालले शान्तिपूर्ण धर्नाका क्रममा प्रहरीबाट भएको ज्यादतीको निन्दा गर्दै अविलम्ब उनीहरुलाई रिहाइ गर्न माग गरे ।
उनले पक्राउ गरिएका अधिकारकर्मीलाई भृकुटीमण्डपस्थित नेपाल प्रहरी क्लबमा राखिएको जानकारी दिए ।
